انتباااااه ..قصيدة للشاعر الكبير فتحى البريشى .

 

.... ( 1 ) .....

المهرة دى

موش عاوزة واحد عربجى ..

.. يسوقها

يشد مرة اللجام

لو .. حب يزنقها ..

و يرخى مرات عشان تنطق

.. فيخنقها ..

المهرة دى .. قصدى

الأمة دى .. موش عاوزة ..

واحد .. عربجى .. يسوقها ..

و لا يفوقها

و لا يدوقها

..... ( 2 ) .....

شفت ف ميدانك يا بلد

عربية .. بترش العيال ..

.. المعجو نين ..

بمية العفار يت ..

و ناس .. بتضرب ناس كدا .. و ..

كان الحياء ممنوع

و ناس .. إيديهم .. طايلة

بتحدف .. قنابل غاز ..

مسيل للدموع

و خيول بترمح رمح ..

و جمال ..

حوش يا رب .. استر ..

أنا قلت : و الله العظيم

هذا النظام .. مخلو ع ..

..... ( 3 ) .....

هى ثورة

ثورة جدا .. ثورة خالص

أيوة ثورة ..

و اللى ح يشكك فى قدرة شعب

مل من القرف و الذل

تبقى دماغه ..

( عورة )

هى ثورة

لما كل الخلق فى الميادين

فى كل مدينة مصرية

ما تهزمهاش مناورة .. و ..

ميت مناورة

تبقى إيه ..؟ ..

لما تخرج م الحناجر شمس

تنشر نورها .. براكين ..

تحرق الخوف اللى عشش عمر

فى شعو بنا المجاورة

تبقى إيه ..

..... ( 4 ) .....

عمرى ما فقدت الأمل

فى عودة الحق اللى تاه

كنت متأكد يا مصر

إن قد ما شلنا همك

فوق ضهورنا

ح ييجى يوم

تقومى .. و تردى الجميل

و تنشلى م الطين وشوشنا

تبيضى فينا الجباه

و لما جيشك الكريم ..

وقف انتباه ..

و بمنتهى الجدية و بكل احترام

أدى التحية العسكرية

بشكل آخر إنسانية

.. و اعتراف ..

أبطال عبورك العظيم

بكل شهداء ثورتك

بدأنا نحترم الحياة

و كل واحد كان معاه كفنه

.. رماه ..!!

..... ( أخيرا ) .....

مصر

فدان قمح

مزروع فى الميدان

يا ولادها ياللا استيقظوا

م النجمة

من قبل الأدان

نحصدها .. و نغربلها .. و ننقيها ..

م الدحريج .. و م الطين

و الديدان ..

...........................

من قصاصات الثورة

يناير 26, 2020