الدكتور صلاح هارون يصف الغربة "شنطة السفر": إما هروب أو رحيل أو هجرة أو سعى أو تحسين احوال أو هرب من أوجاع

شنطة السفر
اما هروب
او رحيل
او هجرة
او سعى
او تحسين احوال
او هرب من اوجاع
والمهم بنرجع بعد الشيب ما انتشر فى الرأس
والبنت الل كانت بتلعب بالعروسة بقت هى العروسة
واول ما نبتدى الغربة بنحس اننا بالجسد عايشين فيها وقلبنا مع وطنا الغالى
بنفرح اوووووى لما مصر بتكسب
وبنحزن لما يمسها اى سوء او مكروه
واول ما يبجى رمضان بنفطر على دموعنا الاول
وصلاة العيد اصعب واصعب كتيييييييييير
ولما حد ييجى بنقولو
طمنا على مصر ...........طمنا على مصر .....عاملة ايه مصر
اوعى تفتكر ان الغربة مال
كل الل سافر واتغرب اكيد محتاج وبيحاول يسد احتياجاته
سايب بيته
وامه وابوه واولاده وزوجته واصحابه علشان ميخبطش على باب حد يقولو محتاج ...
ولو حصل لا قدر الله وفاة ..ومش قادر ينزل .ياه على الالم والمرار الل جواه
او حد حبيب طرفه عيان
اوعى تتخيل ان احنا مليونيرات ..احنا بنسعى علشان اولادنا
ادعيلنا بس ان ربنا يهون علينا الغربة بكل ما فيها
احنا الل بنرضى فى الغربة بأى مرتبة ننام عليها او لحاف نتغطى بيه
او اى لقمة نسد بيها الجوع ...وكل شوية تقول لنفسك
استحمل علشان
ابوك تبعتلو العلاج
وامك تخليها تحج بيت الله
واولادك يتعلموا كويس
واخواتك تقف معاهم وقت محنتهم
استحمل واصبر ... وكلها بلاد الله
..... والله ان مصر احب البلاد لقلبى
......ولولا الاحتياج ما خرجنا
..... اللهم احفظ مصر من كل سوء ومكروه وبلاد المسلمين
يارب احفظها من كل حاقد او فاسد ..
يارب من اراد مصر وبلاد المسلمين بسوء فرد كيده فى نحره
يارب هون على كل غريب غربته
امين .....

يناير 05, 2020