عصفور وطار عَالشجر
فرحان بفك القيد
نفسه إنه يوصل للقمر
فوق في السما وبعيد
يهرب هناك من بشر
قلوبها قاسيه حديد
أكتر كتير من حجر
مليانه كُره أكيد
والحقد إلا ما نَدَر
وسواد مليها شديد
حتى الوداد إندثَر
بينا فى بعض نكيد
خلاص نوَاَ عَالسفر
يحلم بيوم العيد
لصعاب كتيره عَبَر
يتمنا يبقا سعيد
يلقَاَ لأمله اللي إنتظر
سنين بَقَاَ في الإيد
واللي عشانه صَبَر
بزمان صعيب وشديد
حِمد إلهه وشكر
رغم إن حظه عنيد
وربه له يبقا جَبَر
سبحانه لما يريد
وبأمره وحده أَمَر
كتب له عُمر جديد
وكل شىء عنده بقَدَر
للي شَكَر بيزيد
0 comments:
إرسال تعليق