ليه مقابل الفلوس ممكن فنان يشوه رمز من رموز بلده؟! ، ليه فنان بنفسه يشوه مسيرته الفنية؟! ، ويزيف في التاريخ ويزيف في أي حاجة ويزيف في سيرة ناس معروفين كويس جدا؟! ،الفلوس اللي خدها عشان يعمل كدة مهما كانت كتير هي ثمن رخيص مسيره هيخلص في يوم من الأيام لكن اللي مش هيخلص وهيفضل ملازم الفنان ده هو السمعة السيئة ووصمة العار اللي هيفضل شايلها وشكله السيء قصاد الناس... ليه الفنان بدل ما يسيب أعمال فنية الناس تفتكره بعدها ويقولوا إنه كان رمز يُحترم يقوم يسيب أعمال سيئة مصيرها مزبلة التاريخ والناس لو جت سيرته بعد كده هيتحط مع مجموعة الناس اللي شوهت الفن أو الناس اللي ما لهاش قيمة وهيبقى علامة من علامات الإسفاف والقباحة!!
فيه ناس كتير وفية لبلادها وتلاقي بلادها دي لا عندها
معالم سياحية ولا تاريخ ولا بطولات و لا رموز ومع ذلك بتعمل أعمال فنية تروج فيها
لبلادها حتى لو هتألف لمجرد بس إنها تعكس صورة حلوة عن بلدها وتروج لها بشكل يشرف...
عشان كده بنحزن جدا لما نلاقي بلد زي بلدنا لها حضارة وتاريخ و رموز بتحترمها كل
الدنيا وبنقول عليها أم الدنيا وتلاقي طالع منها ناس بيقبضوا من أجنبي بيدعي إنه
راعي للفن يهدوا في رموزها ويكذبوا ويضللوا و بيعكسوا صورة مشوهة مش حقيقية... المؤكد
إن المسخ المقزز اللي بيسموه فيلم ده كشف ناس كتير جدا على حقيقتها، ويا ريت رفض
الناس ليه يكون عبرة لكل فنان قبل ما يدخل في أي عمل يتأكد إنه مش أداة لتنفيذ
أجندات هدامة ضد بلده و رموزها...إحذروا الخيانة.
0 comments:
إرسال تعليق