الأستاذ الدكتور رضا عبد السلام يكتب عن : أرقام مرعبة وقاطعة..لازم نعرف بكره بتاع مين "أمريكا أم الصين؟!

* أمريكا الآن هي أكبر مدين بالعالم(أكثر من ٢٢ تريليون دولار دين عام في فبراير ٢٠١٩ والعداد شغال)!!

* في حين أن ناتجها المحلي في حدود ١٩.٥ تريليون!!
* يعني الدين العام الأمريكي يزيد عن ١٠٠٪؜ من الناتج المحلي الأمريكي!
* ناتجها المحلي ده بقى عبارة عن ٨٠٪؜ خدمات وخاصة الخدمات المالية، و ١٨.٥٪؜ "صناعة"، و ١.٥٪؜ زراعة!!!
* الصين هي أكبر دائن لأمريكا بأكثر من ١.٣ تريليون دولار وحصتها من الدين الأمريكي الخارجي اكثر من ٣٠٪؜!!
* معلومة بس، علشان تتخض، الناتج المحلي الصيني كانت قيمته في عام ٢٠٠٠ حوالي ١.٣ تريليون دولار،
* النهاردة في عام ٢٠١٩، الناتج المحلي الصيني يلامس ال١٤ تريليون دولار!! يعني تضاعف حوالي ١٤ مرة في أقل من ٢٠ سنة..فيه رعب أكثر من كده؟!
* ومتوقع بحلول عام ٢٠٢٥ أن يتخطى الناتج المحلي الصيني الناتج المحلي الأمريكي..برضو لسه المعلومة ما وصلتشي؟!
* خد كمان، الدين العام الصيني حوالي ٤٦٪؜ من الناتج المحلي الصيني، لان الأشية معدن، دا فائض الميزان التجاري الصيني لوحده تعدى ال ٣ تريليون دولار!! في حين بلغ عجز الميزان التجاري الأمريكي ٦٥٠ مليار دولار في ٢٠١٨!!
* ليه كل ده؟!
* لأن الناتج المحلي الصيني صار في قمة الرعب: أكثر من ٥٠٪؜ "صناعة"، وأكثر من ١٦٪؜ زراعة، واقل من ٣٥٪؜ خدمات، يعني الجسم زي الفل حالته حلوه!!
* علشان كده الصين بقت "مصنع العالم" The world factory، شعب يستحق الاحترام مش عواطلي.
* النتيجة إن الصين هي بكره، واليوان الصيني في طريقه ليكون عملة العالم بدلا من دولار الكاوبوي!!
* أمريكا فرضت نفسها خلال العقود الغابرة بقوة السلاح والبطش ونهب الدول...
* الصين فرضت نفسها ومددت رجليها بتعب وجهد شعبها وبالإنتاج والتصدير،
* سيظل هذا هو الفارق الرئيسي بين أمريكا العظمى (بطل من ورق) وبين التنين الصيني القادم بقوة (البطل الحقيقي والجدير)!
مطلوب بقى نشتغل مع العالم وخريطة العالم في ضوء المؤشرات أعلاه...والله الموفق.

مارس 28, 2019