[رذاذ . . الزجل]قصيدة الشاعر: طارق فايز العجاوي

قالت: ي طود الحرف حرفك م أروعو

قلتلها: هاتي حفيفك بأسمعو

هزار شقشق في مرابعكم زجل

غنت طيور الحب وبترقص معو

أنت اليمام وكل مهدولك زجل

رقصت على نغماتنا فراخ الحجل

بدك طرب هذا زجلنا واسمعي

هاتي هديلك حاج وبيكفي خجل

الموال طاب وذقنا من طعمو الهني

كل يوم بطربنا ترى صاير سني

بدي عتابا تشعل بقلب الحبيب

طاب الكرز والعنب في طعمو غني

مرسال موالي اللبيب بيعرفو

شععار كل الكون منو بيغرفو

الطود عا منبر أدب قال الزجل

صارو  رجال الأوف منو بيرجفو

مارس 31, 2019