ولا يبقا يوم راجل اللي مالوش كِلمه
و اللى بيظلم ضعيف وَلاَ يِهين حُرْمة
واللي يعيش بالحرام لا نخوه ولا هِمَه
ولا بلطجه بعِزوته وحواليه كتير لمَه
ولا الرجوله بشَنَب ولا شَال ولا عِمة
أو كرش منفوخ فاضى ومالوش لازمة
و لاعُمره كان بسلوك يخلق لمية أزمه
ولا حتى شِلِة سوء ومعاها كام شَمه
رجوله يعني أدب واخلاق صفات هامه
طريق بحق وعِدِل سمات وفيه عامه
والصدق طَبع أكيد والجدعنه وذِمه
واقوال مع أفعال بتبان فيها الحكمه
تظهر بوقت الشدايد والأساس كلمه
كده صفات الرجوله معروفه للعامه
وصاحبها بين الناس بالعقل ع القِمه
0 comments:
إرسال تعليق