ارقص يا قصر
وزعرتي يا مصر
علي صوتك ونادي
الفساد قتل ولادي
وانتي بترقصي مجبورة
ازاي تعيشي مكسورة
بزغرتي والدموع عبت عنيكي
ده انا صابر عشانك مشتريكي
العمر كله اعيشه ليكي
وسكوتي كان خوف عليكي
اتاريكي فاضت بيكي
بتبكي يا شمس الحبايب
ياك هددوكي وبهدلوكي
باعوا شبابك وخانوكي
قومي اضربيهم بمداسك
ودافعي عن ناسك
اللي قتلهم طول الامل
كانهم معمولهم عمل
اه يا مصر وبعدهالك
ايه بس غير حالك
فاكره زمان الانجليز
ولا خلاص نسيتي عزيز
مال شعرك شاب كده ليه
وبقيتي مجبورة طيب ليه
كل شئ انتي فوتيه
حقي فيكي انا مستنيه
وربي عالم والله بيه
دلوقتي حسيتي بالفشل
بعد ما حلم ولادك اتنشل
اتربصولك وغموا عنيكي
عشان ولادك ميصعبوش عليكي
ولما فتحتي ضحكوا عليكي
بكلامهم الخايب
فرحانين في شعرك الشايب
عايزين يبعدوا عنك الحبايب
مصوا دمك وسرقوا حلمك
ولم وقعتي ما شالوش همك
خالوكي وسط البلاد مكسوره
وحياتك بقيت زي الشبورة
اصلهم عايزنلك غوره
انتي عندهم زي غيرك
عازرك يا مصر كتر خيرك
استحملتي جلعهم الماسخ
وظلم ولادك اللي بقي راسخ
نفضي كل عفرة الطريق
انتي يا مصر المتهم البرئ
0 comments:
إرسال تعليق