حبي نفسك
واخرجي
برة دوامة العدم
كوني فكرة
لأحلى بكرة
بإيدك انتي
مش بايد غيرك
قوام.. قبل الندم
حبي عمرك
عيشي كل لحظة فيه
حب .. طاعة للإله
دي النعم جواكي .. ليه
تربطي قلبك ب تيه
اخلقي الأمل عيشيه
اتعبي له وحققيه
و اوعي يوم ياخدك غرورك
تنسي شرقية جدورك
فوقي قبل ماييجي دورك
فوق لسان الحكايين
تلقي نفسك فوق نجاحك
شاربة غلب المحتاجين
مين يفيدك لو غناه
في الفرح اصله.. وجع
قلبك الطيب يسلم
يصحى يلاقيه انخدع
من أعز وأغلى صحبة
سايبة نفسك ليه لنخبة
شايفة دنيتهم نعيم
شايفة قربهم .. النجاة
بس فيهم الغرق
العيون صحيح بريئة
بس لمعانها اتسرق
تمجدي أبطال.. جريئة
بس أبطال.. من ورق
ولماضيكي ليه. . مُسيئة
بكرة .. فيكي بيتخنق
حبي نفسك
و اوعي تروي
زرعتك .. وهم وسراب
رايتك الحرة تمنها
بيدفعه.. زينة الشباب
0 comments:
إرسال تعليق