موضوع الرزق دا يا جماعه غريب لان رزق كل واحد مقسوم ومعلوم من يوم ولادته وكل واحد مكتوبله رزق هيشوفه مش معني كده انك تقعد ورزقك هيجيلك لا لان ربنا فرض السعي للرزق وفي نفس الوقت ضمنه لك دا حتي ربنا قال في كتابه وفي السماء رزقكم وماتوعدن ..لا دا كمان ربنا اقسم انه حق ومضمون بس انت اسعي وخلي قلبك ابيض متبصش لحد لان الرزق انواع. ..ممكن يكون رزقك علم او صحه مش مال وفلوس وجاه وصلة الارحام والاستغفار والشكر و ممكن بر والدين ممكن ذريه بنين اوبنات وقيس علي كده لكل واحد مع العكس والاختلاف بين الناس.. دا حتي جبر الخواطر رزق لو امك وابوك عايشين وجبرت خاطرهم وانت خارج من بيتك ممكن دعوه وتبعتلك رزق ..دعوه تحميك من حادث اوسرقه اللي في جيبك لو كنت بخلت عليهم به.. هي كده وربنا قدرها كده بقدرته وانت مش هتغير اللي ربنا كتبه حتي لو تحايلت في صنع اسباب الحصول علي الرزق ومشايخنا وعلمائنا قالوا كده لو صبر الحرامي ومسرقش وسعي في الحلال هيلاقي نفس اللي سرقه بل ممكن اكتر هو رزقه ومكتوبله لكن طريقه السعي خطأ ومع انها خطأ وغلط لكن مغيرتش مكتوب ..اهم شي في الرزق البركه لان الرزق مش بالكتره الرزق بالبركه ماهو ممكن يكون رزقك كتيييير ومنزوع البركه وقتها هتبص للاقل هتلاقيه مبسوط ونفسيته راضيه ومستريح وانت ياعيني عليك عندك اضعافه لكن معندكش البركه اللي عنده لان معكندش رضا ولا حمد وشكر زيه لان نيتك مش سالكه… وعلي راي الامثال الشعبيه اجري يا ابن ادم جري الوحوش غير رزقك لن تحوش ..
وز ما قلت ضمن لك الرزق فمتقلقش.. ومضمتش لك الجنة فمتفتريش لان فيه عقاب في النار وكن متاكد أن الناجين من غرور الرزق قلة لانه فتنه لو لم تخرج زكاتها هلكت ماهو ربنا بيقول فاما بنعمة ربك فحدث يعني الرزق في المال يظهر اثره عليك وعلي غيرك من زكاته وصدقته ماهي الزكاه والصدقه هتغني ناس تانيه ومش هتبصلك في رزقك وزيادته في صدقته .. وأن زيف الدنيا زائل يعني متتفشخرش بالك علي خلف الله مافيه كفره وربنا عاطيهم اكتر منك .لان اي نعمة دون الجنة فانية بالنسبه لك..اما الكافر ربنا كتب
ولو أن الرزق بالقوةٍ مكنش العصفور اكل مع النسر..
فكل شيء حتي الرزق بقدر الله، وربنا قسم للعبد سعادته وشقائه ورزقه وعمره واللي لك هيجيلك على ضعفك، واللي لغيرك مش هتخده منه بقوّتك وحيلك ومكرك
ومن كلام الحكماء ..لا يحملنكم استبطاء الرزق أن تأخذوه بمعصية الله فإن ما عند الله لا ينال ينال إلا بطاعته
والسعي علي الرزق يمثل رمزية الاسباب زي بير زمزم بتمثل رمزية التوكل على الله فاتي الرزق بامر الله من حيث لا نحتسب
.واما يكون ربنا رزقك بنعمه سواء كتير او قليل احمده واشكره لان الحمد والشكر اساس دوام النعم وزيادتها.. ..
يا جماعه كل شي في الدنيا رزق واللي مش عندك هتلاقيه رزق غيرك ومكتوب له ومقسوم له دي حكمه واقدار قدرها ربنا
المهم احمده واشكره والقليل عندك هتلاقيه كتير وفيه البركه اللي تخليك شايفه رغم قلته كتتير ودا الاهم ..ارضي بما قسم الله لك تكن تعني الناس..
0 comments:
إرسال تعليق