كتب : حافظ الشاعر
تجديد العقود المؤقتة للمعلمين من بداية الدراسة دون دخول مسابقة ولا اختبارات ،رأفة بالمعلمين المؤقتين شباب مصر ومستقبلها ، المعلمون تركوا أعمالهم ووظائفهم وفرص سفر بسبب التعاقدات المؤقتة على أمل التعيين أو التثبيت أو التجديد من أجل التمسك بالأمل في حياة كريمة في وطننا الغالي .
شكوى من أحد المدرسين المتعاقدين تقطر دماً -كانت بدايته كما قراتم آنفا - ويستطرد كاتبها كما أن المعلمين قد استوفوا الشروط واجتازوا الإختبارات بنجاح ومنهم من دخل مفاضلة بعد نجاحه وتم اختباره فيها ، وتم عمل تدريب تطوعي ومضينا العقد وتم مراجعة ملفات المتعاقدين بعناية ومن ثبت أنه غير مستوفي الأوراق أو الشروط أو مخالف للتخصص تم استبعاده ، وتم توزيعنا على المدارس لسد العجز واشتغلنا وبدينا خبرة ميدانية حتى وإن كانت لمدة شهرين فقط.
حرام تضيعوا من الناس الأمل في الحياة والإستقرار بعد أن أصبح بين أيديهم وترجعوهم للشارعمرة أخرى بلا عمل ولا أمل ويزداد الأمر سوءا .
والمعلمون مش فارق معاهم قبض شهرين ولا مرتبات في الأجازه كل ما نطلب هو الإحساس بالإستقرار بالتجديد دون أولوية أو شروط أو مسابقة جديدة ، حضرتك احنا معانا خريجين قدامي من 2002 ، 2004 ، 2008 ، وغيرهم وآخر فرص لهم كانت المسابقة دي ، ياريت ننظر للأمور بعين الرأفة أولا قبل كل شيء.
ورد عليه أحد المتعاقدين :-
الحل الوسيط الوحيد اللى هيرضى المعلمين المتعاقدين هو تجديد العقود بدون اولوية بدون تقديم ورق بدون اختبارات حتى لو كان التجديد فى بداية العام .
يكفى حضرتك بداية من شهر 2 وحتى شهر 5 اربع شهور بنحضر فاوراق القيد والفيش والشهادات الصحية واستخراج اوراق للجامعة وبعدها دخول اختبارات وبعدها المفاضلة وبعدها امضاء العقود وبعدها عمل شهرين بدون اخذ اى اجر ؟
الحكومة لم تلتزم ببنود هذا العقد لم تعطينا الراتب كما هو متفق عليه فى ميعاهد صرفنا فى الاوراق وفى الموصلات والعمل اموال ربنا يعلم قد ايه ومحدش واخد باله ان المعلمين دول عندهم عائلات وبيصرفوا عليهم حملتونا اعباء فوق طاقتنا .
والان سيادة النائب بعد كله ده بتقولوا نرضى الحكومة هترضى الحكومة على حساب مين عاوزنا نخش اختبارات تانى ومفاضلات تانى ومنعرفش الحكومة هتتعامل معانا ازاى بعد ما طلبنا ومننساش سيادة نائب وزير التعليم لما قال كله اللى طالب بتجديد عقده مش هنخليه يستمر معانا .
مطلبنا ثابت مفيهوش تغير مفيش حل وسط غير ان عقودنا تتجدد بدون شروط علينا بدون ما نقول اولوية ووزن نسبى ليس له اى قيمة سيادة النائب رئيس لجنة التعليم مطلبنا لحضرتك انك تدافع عن حقوقنا تنحاز لحقوقنا.
0 comments:
إرسال تعليق