مرت سنة
وخلالها ماشفت يوم هنا
استنيتك تجيني في المنام
اشتكيلك من مرارة الايام
ووحدتي في الاحلام
بعدماكنتي بترمي عليا السلام
مرت سنه
لمحت الحزن واقف علي بابي
جاي يردعلي جوابي
مش راح اسيب الفرح يناديك
بعدماسبتهاتروح من بين ايديك
تفتكرلوكانت مكانك
كانت راح تحزن اد ايه عليك
تخيل كم مرة راح تناديك
اظن عمرها ماراح تخلي بيك
مرت سنه
علي وشها المنور
زي النهارده دفناالحنان في التراب
اصبحت العيشه بعدها سراب
كتربعدك ياامي العذاب
خلاص معدش فيه احباب
غيرحزن واقف علي الباب
ساعات بنسرح في اللي غاب
ونلاقي الدموع من العين تنساب
كانها لحظة عتاب
مرت سنه
ليه لمستك كانت حنينه
لساها علي خدي بحسها
وكانهاصوت بينده من وقتها
لمابقول فاكرك بزعل لو قولتها
ازاي وانا كلي ملكها
لكن الكلام مبيتوصفش في وقتها
ياخسارة تاهت مني شمسها
ياريتني احس تاني بدفئها
وارجع انادي اسمها
انا كنت ماشي في ظلها
مرت سنه
فاتت علي الحكاوي كلها
اللي كنت منك سمعتها
خلاص خلصت كلها
وكأن سمعي راح بعدها
صدقيني وحدتي بعدك بحبها
فاكر نظرتك علي وانا ماشي
وقولتك لي امشي جنب الحيط منستهاشي
وقفتك مستنيه اغيب عن عنيكي
هاين عليكي ترجعي توصليني
بصراحه ياامي وحشتيني
هفضل اكتب ليكي طول سنيني
عشمي فيكي تسامحيني
سلام ليكي يانورعيني
سلام سلام سلام
0 comments:
إرسال تعليق