الأستاذ الدكتور رضا عبد السلام يكتب عن :أزمة صلاح...فكرتني بنكتة!!

حالنا في مصر وفِي أزمة، زي أزمة صلاح، اشبه بنكتة سمعتها من زمان وأنا ضابط في الجيش، بيقول لك مرة طائرة سقطت في جزيرة معزولة، وكان على متنها مصري وامريكي وفرنسي،

المهم انهم وجدوا الفانوس السحري، وكان لكل واحد ؟منهم أمنية أو طلب يتم تلبيته، الفانوس سأل الأمريكي ايه طلبك قال اروح على بلدي امريكا، طار على امريكا، نفس الامر الفرنسي طلب يروح على فرنسا،
جه الدور على المصري، الفانوس بيقول له أمنيتك؟ تطلب ايه؟ قال للفانوس رجعهم الاثنين فورا (الأمريكي والفرنسي)انا مش هاقعد هنا لوحدي!!!
الشاهد هنا اننا غالبا، وزي ما شوفت من بعض التعليقات، كل واحد مننا نصب من نفسه قاضي باتر، دون ان يضع اي &!٨منا نفسه مكان صاحب المشكلة، وبدلا من ان نساعد صاحب المشكلة وهو نموذج أسعدنا، تبارينا للنيل منه ليعود ليجلس الى جوارنا...(يترص جنب اخواته)...
أتذكر أن الدكتور زويل اول ما فاز بجائزة نوبل، شوفنا مجموعة من أعداء النجاح تبارت للطعن فيه وانه يهودي.....الخ...يا جماعة مش ممكن حرام كده! ليه دايما نسفه او نطحن أو نتصيد لبعضنا.
صلاح شاب وإنسان يصيب ويخطيء، وكان ولا يزال سببا في إسعادنا، هل جزاء الإحسان الا الإحسان؟!
واجبنا الصبر عليه، وعدم التصيد له والوقوف له على الواحدة...الرحمة!!! مين فيكم سيدنا يوسف؟!
اسعد الله صباحكم بكل خير، ونسأل المولى عز وجلس ان ينقي قلوبنا وان يصفيها وان يملأها بالحب وحب الخير لمن يستحقون الخير...صباح الأمل...صباح الثقة بالله..

مارس 13, 2019