وفي القلوب ذِكراك
يا جمال حتعيش
ياللي بصدق نصفت
الفقرا والحرافيش
من كل إقطاعي
ما بين حرير والريش
ونعيم قصوره
يدوس على الدراويش
ويمص دم غلابه
يادوب ساترها خيش
ورفعت سيف العداله
لاجل بكرامه العيش
في قلوبنا دايما
يا جمال حتعيش
للحق كنت الصوت
وبطل وزيه مافيش
وجمعت كل العرب
حقيقي مش تهويش
ورفعت ليهم رايات
بعد عصور تهميش
واللي بيزرع خير
خير حب ما يجنيش
علشان كدا ذكراك
جوه القلوب حتعيش
0 comments:
إرسال تعليق