يا بلدي ليه قاسيه عليه
عذابي فيه صُبح وعَشيه
إحترت والله بجد فيكي
رغم إني عاشقك ياصبيهُ
مخلص في حُبك مِيه مِيه
ومن الهوا باخاف عليكي
لكن إنتي صعبه ومُفتريه
ولا شُوفت منك غير أسيه
أعمل إيه لاجل يراضيكي
يوماتي آلاقي مية رزيه
بين كهربا والغاز ومَيه
وكتير مصايب من إيديكي
وحاجات تِكعبِل مِدَاريه
عيشه مرار ماهش هنيه
ومهما أصرخ وأناديكي
لا بتسمعي ولا حاسه بيه
ولا شايفه مني دموع عنيه
وأنا بدمايا باشتريكي
رغم إني فيكي أنا الضحيه
إنتي سَمَايا وأرضي والهويه
وبروحي دايما أفتديكي
0 comments:
إرسال تعليق