كتبت د/أميرة حسن
يتقدم مركز تدريب صحة المرأة بالجيزةوعنهم كاتبة
هذه السطور بخالص العزاء لأسرة الدكتورة هناء الخولى التى وافتها المنية الأسبوع
الماضى
د/هناء
كانت مثلي الأعلى و فضلها عليا مش ممكن أنساه رغم إني قابلتها وجها لوجه مرة واحدة
بس لكن كانت مرة فاصلة في حياتي كلها....من سنين كتير كنت في مبنى وزارة الصحة
القديم قبل ماينقلوا العاصمة، و رغم إنها ماكانتش تعرفني إلا إنها فضلت تشجعني و
قالت لي "لو ليكي نصيب تشتغلي في الإعلام هيبقى شغلك معايا و ماتقلقيش من
حاجة أبدا الشغل كلنا بنتعلمه"، النصيب و إرادة ربنا قبل أي حاجة غيروا مساري
الوظيفي في حتة مش بعيد قوي لكن كلامها و معاملتها فضلوا ملازميني طول السنين دي....ربنا
جعلها سبب إني أطور من نفسي و أبقى حريصة على إني أتعلم و أكتسب مهارات طول الوقت،
بفضل الله و كلام و تشجيع د/هناء أخدت دورات تدريبية من داخل و خارج مصر و شهادات عمري ماكنت أتخيل إني أفكر فيها قبل
ماأقابلها....و على المستوى الشخصي قد إيه كانت إنسانة قلبها رحيم، طيبة، متواضعة،
راقية و بتجبر الخاطر، طول الوقت لسانها حلو و ذوق و تشجع ماتهدش و بما إنها مثلي
الأعلى إتعلمت منها و لسة بأحاول أطبق اللي إتعلمته في طريقة تعاملها مع الناس و
مع الصغير قبل الكبير....حتى على الصفحة هنا كانت حريصة على إنها تشجعني و تدعمني
في بوستات كتير كتبتها، و مهما كتبت عنها مش لاقية كلام كفاية يوفيها حقها.
أكيد في
زيي كتير مدينين ليها بالفضل، ربنا يجعل أعمالها الصالحة و الحلو اللي إتسببت فيه
معايا أو مع غيري في ميزان حسناتها و يرحمها و يجعل قبرها روضة من رياض الجنة و
يسكنها الفردوس الأعلى يا رب
#Dr_Amira_Hassan
Acting
director of the Women's health training center in Giza
0 comments:
إرسال تعليق