وراء كل بطل حكاية
وكفاح ملهوش نهاية
اسطوره عايشه جوايا
صعيدي وكتب البداية
الخوف كان يخافه
وحب مصر حياته
الشهرة ناصر
والاسم جمال عبدالناصر
اسمه دايما وسطينا خالد
والله وحشتنا يابوخالد
قضي علي الاتباع
اللي خلوه مصر تتباع
اول من اتحدي الاقطاع
يعني ايه الفقير يعيش أجير
والملوك تنام علي الحرير
المصري كان متهان
ومتداس عليه وغلبان
عبدالناصر قالها كفايه فساد
عمر ما كان لينا أسياد
عايزين المصري ياكل من التراب
ويعيش العمر في العذاب
وتسكنوا القصور وتحوطوها بالسور
تعيشوا في الحفلات والسهرات
والله خلاص العدل مات
عشقتك الملايين
وقفت ضد الديابه
وجبت حقوق الغلابه
شعبنا اصيل
وعمره ما ينكر الجميل
في ٥٦وسط. الملايين
اتحديت العالم بقرارالتاميم
اممت القنال وطردت الاستعمار
وبنيت السد علشان اتحدي اي حد
كنت عايز قرارنا منينا
ومحدش يتحكم فينا
مكنتش تخاف الامريكان
ومفيش عربي يتهان
وسط كل العرب محبوب
واسرت كل القلوب
وجالنا خبر اليم
هوموت الزعيم
انقطعت قلوبنا
وسكنت الدمعه بيوتنا
مات حبيب الغلابه
الشوارع عبتها الدموع
في كل البلاد كان الحداد
صورتك عايشه في قلوبنا
وداع يازعيم بلادنا
تمر علينا السنين
ولساك عايش في قلوب المصريين
0 comments:
إرسال تعليق