أربعين سنة كاتم على أنفاسنا
بيقول كلام يدغدغ احساسنا
واحنا الغلابة مصدقين
وبالهموم راضيين
وفجأة صحينا
ملتقناش أملاكنا
مسك المرض فى ضلوعنا
من الأرض طردنا
ومن المصنع عزلنا
وهربنا من تعليمنا
موتنا فى بحارنا
عشان لقمة عيش
نسد بيها رمقنا
نصحى الفجر نفتش
فى الزبالة على عنبنا
ونقف على أبواب المساجد
نمد ايدينا ونخفى تعبنا
وبرضه المرض بينهشنا
ما احنا فريسة لحكوماتنا
انتوا مصدقين
كلامهم ولا كلامنا
فوقوا يا اخونا
عشان يجى يوم
نشوف السعد
فى بيوتنا
**ملحوظة : هذه القصيدة كتبناها فى 5 سبتمبر 2010
0 comments:
إرسال تعليق