منى الحديدى تكتب عن : الناس الحساسة

بنقابل في حياتنا ناس كتير مختلفين في شخصياتهم فتوجد الشخصية العصبية والشخصيه الهادئه وأيضا يوجد الشخصية الحساسة
وتتميزالشخصية الحساسة بأنها الشخصية التي تتأثر بالمؤثرات والأمور التي تحيط بها أكثر من غيرها من الشخصيات الأخرى.
والشخص الحساس دائما يشعر بالمسؤلية تجاه كل الاشخاص من حوله ودائما يجهد نفسه في التفكير
في كل تصرفاته حتي يرضي كل من حوله

في الحقيقه الناس الحساسه دي محتاجه نفهمها ونحس بقلوبها لان قلوبها بتكون ضعيفه جدا في فرح او حزن او اي مؤثرات حواليها
الناس دي بتكون تركيبتها مختلفه بتفرح اوي من قلبها وكمان بتحزن اوي من قلبها
بتخاف اوي علي زعل اللي حواليها وكتير اوي بتيجي علي نفسها من اجل الاخرين
بتلاقي فيهم صفات حلوة كتير … الرومانسيه ..الصدق ..الاخلاص..الجدعنه اللي علي حق
الناس دي يبتعطي أهمية كبيرة للحاجات الإنسانية وبتحس اوي بااللي حواليها دائماً.
الناس الحساسة طبيعتهم دي بتتعبهم اوي وبتخلي حاجات كتير في الحياة صعبه عليهم
لكن الناس دي مش كئيبه ولا غاويه نكد علي طول
الناس دي اي حاجه صغيره بتأتر فيهم سواء تزعل او تفرح
الناس الحساسه دي بيكون جواها وجع السنين بس دايما الضحكه مرسومه علي وشوشهم علشان تفرح اللي ادامها
الناس الحساسه دي مش بتتحمل القسوة ولا العنف ولاالوجع
الحاجات دي بتسيب اثر جواهم
الناس دي محتاجه اللي يقدر مشاعرهم ويخاف علي وجعهم
ويحس بيهم في انفعالاتهم وردود افعالهم
حقيقي الناس دي حلوة اوي وقلوبهم كلها احاسيس حلوة محتاجه بس اللي يفهمها ويقدر الحلو اللي جواها....

مايو 16, 2019