زمان وأنا طفل صغير
قاعد طول الليل بفكر
وفى حضنى بيجامة كستور
حاططها تحت اللحاف لتتكسر
مفصلها عند الخاله هنومه
بقرشين بثلاثة قول أكتر
وأمى جايبه قلة وحصيرة
وحاجات تانية كتيرة
منتظر الفجر يدن
ألبسها وأكون أحسن
أروح أصلى العيد
وأزور قاريبى الميتين
وأرجع على البيت
أمى تقولى انته جيت
وتطلع منديل بأويه
وتدينى ما تيسر
أنا وأخويه
ونجرى على خالتى صديقه
نشترى لب سورى
وشويت حاجات معقوله
النهارده ابنى عايز بدله
وكوتش وبندقيه عِدِله
دارت علينا السنين
واحنا مش عارفين
نأن حتى من الأنين!!
0 comments:
إرسال تعليق