.
مش عارف هي صفه مكتسبه والا طبع في اشخاص معينه والا جين وراثي ورثه الابناء من ابائهم وهل الاباء ورثوه من قبلهم علي مدار الازمنه والا زمان مكنش موجود.. لكن اللي شفته وعاصرته بيقول انه مكتسب من خلال ضغوط التعاملات اليوميه في البيت والشارع والشغل ..دا حتي بين الاصدقاء وبعضهم ان مكنش وصل لاخوات الاسره الواحده..
احيانا كتير بتوصل في امور معينه انها اصبحت متفرقش معاك فتطلع الكلمه تلقائي من فمك ( اياكشي تولع) يعني الامر اصبح مش مهم بالنسبالك وزي عدمه وبتحس انك بتاخد حبوب اللامبالاه والتبلد من امور بتتعبك وفي الاخر بتوصل للنتيجه يعني لو بتحاول تقيم شخص بعينه لامر يهمه ومحاولاتك بائت بالفشل تخرج الكلمه يعني خلاص مليت وزهقت وطقيت اخبط دماغك في الحيط اعمل اللي يريحك وانت حر
او لو عندك امر يهمك في محيط اسرتك او اهلك او العماره اللي ساكن فيها او الشارع اللي فيه جيرانك زي مشكله تهمكم جميعا
ميه كهربا او مجاري ولقيت محدش مهتم غيرك واللي بتبنيه غيرك بيهده او مش مهتم ومطنش وعامل من كوكب تاني برضو بتخرج الكلمه( اياكشي تولع)هتعب نفسي ليه وانا شاغل بالي ليه..برضو لو راكب قطار او باص وملقتش حد بيحافظ زيك بتعمل زي الناس عادي دا حتي كمان بتوصل معاك في امورك الشخصيه و حتي في بيتك او مكان عملك وروتينه اليومي اللي مفيهوش تعديل وبقي طعم كل يوم زي اللي قبله ....فلان راح فلان جه فلان فقع ذر في فلان ..فلان قال علي فلان ..بقت الايام ماسخه والاشخاص تكاد تكون تافهه ..هتعب نفسي ليه زيي زيهم اياكشي تولع ما الكل مكبر دماغه
والكلمه من ترددها الكتير اصبح معظم الناس بتقولها واكتسبت البلاده والامبالاه ومناعة عدم الاحساس…يعني الامر اتحول من امر خاص لامر عام ..اي امور تتناقش فيها وعجبتك او معجبتكش بتوصل لمرحلة انا شاغل دماغي اياكشي تولع وكاننا وصلنا لمرحلة اللاشعورية نتيجة ان مفيش نتيجه او رد فعل لقلقك علي امور بتتعرض عليك كل و قت واي وقت…
الامور اللي المفروض نقول فيها الكلمه كتتتتتير ومع اعتراضي عليها لان المفروض نغير ثقافة تعاملنا تنفيذا لتعاليم وسماحة دينا نقول الامر لله او ربنا ييسر.. ربنا يهدي ..ربنا يسلم ويجعله عامر..
يلا مش هطول عليكم..
اياكشي تولع هشغل دماغي ليه
او هقول زي ما صديقي بيقول
الامر ميؤوس منه
0 comments:
إرسال تعليق